Retos superados

Retos para esta semana (11 ao 15 de maio)!!

Mañá, luns 11 de maio entraremos nunha nova fase de desescalada, con moitas ganas pero con moitas dúbidas e algún medo, necesitamos falar moito cos nosos peques e consensuar con eles as normas que deben rexir estas saídas despois de tantos días de confinamento (As normas son un conxunto de ordenacións que regulan a vida cotiá e o comportamento que hai que seguir nun grupo social determinado). Necesitamos, polo tanto, unhas normas claras,, comprensibles e específicas, normas sempre en positivo, debemos explicar o porqué destas normas.
O primeiro reto que vos propoño consiste en aproveitar esta oportunidade de lectoescritura para escribir ao lado de cada debuxo ( e segundo a etapa de lectoescritura na que se atopen os nenos e nenas) a norma que representa e de paso déixovos esta mascarilla para que a decoredes como mellor vos guste e que non a olvidedes cada vez que saiades á rúa. Tamén podedes escribir as normas e ilustralas usando a técnica que queirades (collage, debuxo....).

Vamos a deixar voar a vosa imaxinación; nas casas hai un montón de obxectos que cun pouco de imaxinación e creatividade o podemos convertir en algún animal....déixovos algúns exemplos que poidan axudarvos.

 Imaxinando animais....espero os vosos!! e non olvidedes escribir o seu nome: serpellera, abrenoites....

Outro reto da semana vai ser converternos en detectives de números e buscar números que atopemos pola casa,donde atopamos números?, cal será o seu significado?....quero as vosas fotiños de números.

Estamos nunha estación na que os campos e paisaxes están cheos de flores, verdes, coloridos....seguro que neses paseos vos detedes díante dun dente de león e soprades moi forte mentres pedimos un desexo!!

Pois ben, a parte de buscar esta flor tan curiosa e chamativa nos nosos paseos invítovos a que fagades a vosa a modo de obra de arte e empregando para elo a pegada dos voso dedo índice ou punteando cun bastoncillo de limpar os oídos. 

O día 15 de maio celébrase o día internacional da familia, déixovos este enlace a un fermoso conto, que forma parte da nosa biblioteca de aula, e que se títula Un puñado de botones, é un conto que nos fala da diversidade familiar da nosa sociedade, un mundo de familias: familias monoparentais, familias de tres, familias viaxeiras, familias separadas, familias que veñen e van.....E a vosa familia como a denominades? Debuxade a vosa familia nun folio, podedes empregar , ó igual que no conto botóns para representala ou outro elemento que se vos ocurra.

https://www.youtube.com/watch?v=X3pqs30VJHk

As nosas cámaras de retratar!!

Moi bo traballo peques, encántanme as vosas cámaras para inmortalizar estes momentos , esperemos que irrepetibles!!!

Pinta la pinÇa!!

Vanme chegando pinzas super orixinais, xenial peques!!, entre todos superaremos este virus!!

Ahí ven o Maio!!

Déixovos tamén enlace a este precioso poema de Curros Enríquez, clícade no enlace para escoitalo.

https://www.youtube.com/watch?v=mzZHGT28ZpA

Retos do 5 ao 8 de maio!!

Comezamos un novo mes Maio, é tradición celebrar a festa dos maios , como xa dixen nunha das entradas anteriores, celebramos o nacemento das flores e a entrada da primavera. Polo tanto propoñovos como primeiro reto da semana facer o voso maio: con materiais da natureza (flores, ramas, plantas, ramallos, fiunchos, fieitas....e todo o que atopedes no voso paseo diario tedes que facer a vosa composición ; pode ter figura humana, de árbore, de pirámide, pode ser un colar de flores ....o que queirades, deixade voar a vosa imaxinación.

Outro reto vai a consistir en crear o voso patrón con obxectos que teñades na casa (cubertos, pinzas de cores, froita, tapóns, ....) no noso día a día estamos rodeados de patróns como os pasos de cebras, o corpo das cebras, das avispas....todos eles seguen unha serie que se repite.

Invítovos a crear o voso e a enviarme esas fotiños.

Gústavos xogar aos bolos? con materiais que teñades pola casa como botes, vasos de plástico, botellas de auga vaos a crear o noso xogo de bolos: según o queirades complicar os máis pequenos poderán contabilizar cantas botellas tiraron, os demais poden poñer un número nos bolos e iniciarse na suma , sumando os números das botellas que tiraron. Podedes anotar os puntos nunha táboa de dobre entrada , comparando así, co outro xogador rival, quen consegue máis puntos nas tiradas....quen gañara??

Para rematar anímovos a crear a vosa cámara intantánea polaroid para inmortalizar todos os momentos, obxectos importantes... desta época de confinamento.

Para poder facer a nos cámara de fotos vamos a necesitar unha caixiña pequena ue teñades pola casa, cordón, rolos de papel hixiénico para facer o obxetivo, e logo pinturas , cintas de cores para decorala ao voso gusto.

Trátase dunha cámara de fotos máxica donde as fotos(debuxos dos nenos dunha planta, dunha flor, do seu peluche, retratos de mamá, papá, o meu irmán....)se revelan ao momento.

Unha boa oportunidade para debuxar, dende o punto de vista particular, como vemos aos demais, os recunchos da nosa casa, o noso peluche,  a nosa mascota....

Pinta la pinza!! proposta solidaria

@Pintalapinca é unha asiciación sen ánimo de lucro que con algo tan sinxelo como pintar pinzas, de forma libre e coa técnica que queirades, estaremos contribuíndo e poñendo o noso granciño de area para investigar sobre o COVID-19.
Anímovos a que pintedes  a vosa pinza,ou pinzas e me mandedes a foto para poder unirnos a esta inicativa. Tedes toda esta semana para pintar a vosa. Entre todos venceremos!!!